富貴碗仔翅

每一個在香港長大的香港人，或冒名而來的各地人，都會試試地道小食，煎釀三宝，油渣麵，叮叮糖、夾餅等等，等等。七十年代，社會經濟剛起飛，一般家庭家境並不富裕，亦很多小孩子，他們為了幫家計，穿膠花，外發車衣，流動小販是很普遍的，熟食就最易賺外快的，於是各式各樣食品便誕生，既經濟又抵食。
      講開食，有一件事值得一提，話說牛媽小時候家住深水埗，午市後有很多流動小販，牛媽最鍾意幫媽咪落街買餸，嘻嘻，因為可以買零食，一亳子可以買一個出爐菠蘿飽，也可以買五粒魚肉燒賣啦！
    講番我地的主角碗仔趐，以前的人，會去洒家收集餸尾來賣，魚翅是一圍菜中最貴的一道菜，最受歡迎，但又沒有那麽多翅買，於是有人便將粉絲滲入去賣多Ｄ，賺多Ｄ啦，又好好賣喎，直至現在，生菜魚肉湯碗仔翅仍然是百吃不厭。
自家做碗仔翅，當然美味衞生啦，但又不失原來風味喎，我用煲湯肉少許就夠，又不浪費，曾經改用仿翅，但又唔夠粉絲原汁原味噃，所以話-"粉絲係可以當魚翅"-架！

材料：浸透木耳絲、筍絲，浸透冬菇絲半碗，粉絲一扎浸透剪寸半長，煲湯肉一少塊拆絲。
          清水6杯半，清雞湯一罐或(清水8杯＋雞粉一茶匙代替）

獻：馬蹄粉四湯匙加水四湯匙開勻

滾水+清雞湯滚起，加入木耳絲及冬菇絲慢火滚五分鐘，加入其餘材料滚起，快手倒入馬蹄粉，要不停攪拌以防起粒，熄火調味，加上老抽增顏色，食時随喜好加浙醋、麻油，胡椒粉以增風味！