蝦皮蒸蛋

    睇開牛媽blog的街坊鄰里都問，點解牛媽咁少野寫，牛媽都覺得，自己冇咩出現，確實返香港跟加拿大生活及環境不同，心境也不同，這三個多月，委實人都緊張，很快過一天，忙這忙那，隨隨便便又一餐，外出又一餐，不同在加拿大，呀女成日笑牛媽，午餐未吃完，就問呀女晚餐吃甚麽，重話：媽咪，我Ｄ飯重未落格呀！！而家就叫呀媽快Ｄ返，因為入冬，唔想煮飯煲湯喎！
     在加拿大人多食，可以多Ｄ款，包掃光碟，香港得兩支公，煮多少少就變隔夜餸，所以咸魚青菜就算一餐架啦，好多時重係牛爸發辦，牛媽依老板吩付做架咋，又唔敢太肥，始終人到中年要健康Ｄ好。唉！發完勞騷，就睇下今日做咩東東，原來今日冇錢買餸，又食存貨呀，雪柜有干紅蝦皮，蒸水蛋呀。
  蝦皮冇肉，其實係食佢Ｄ殼，因為高鈣，蛋有蛋白質，加碗白飯，嘻嘻！冇錢都唔會營養不良啦！