雙黃生抽蝦

牛媽幾日冇見人，一入門口，就見牛爸買咗餸係廚房轉轉轉，望一下，有幾隻大蝦，問一下，Oh！四十五蚊六大隻？隻隻有半個手掌大。

牛媽：士頭婆收檔，賣剩尾比你呀，咁抵！

牛爸：梗喺唔喺啦，係個盒拆出黎，重有冰架！

牛媽：咁點解我上星期買六隻要成六十蚊架，九成九係秤。

牛爸：梗喺唔喺啦，我日日放工買餸都幫襯佢，重話我收工煮埋飯咁辛苦，熟客仔，樣樣都收少我幾蚊架。佢都少見妳又唔識妳。梗係貴Ｄ啦！

牛媽：哦！一係你介紹成日企你背後嘅我比佢識，一係你以後繼續辛苦收工煮飯好啦，慳番唔少嘛！

話說回來，咁大隻蝦又幾新鮮，最簡單又快的煮法莫過於乾煎，美食節朋友送了一小瓶雙璜生抽樣辦，就用來煎蝦好啦。

材料：
大蝦六隻
蒜蓉一湯匙

醃料：
羗汁一湯匙
白酒一湯匙

生粉一湯匙

調味：
雙璜生抽兩湯匙
糖半茶匙

1- 大蝦洗淨，在背部割開取掉蝦腸，用羗汁酒醃10至15分鐘，撲上生粉，用少許油煎熟，取起。
2- 鑊留少許油，爆香蒜蓉，大蝦回鑊，加入調味，收乾汁，即可離鑊上碟。