黑豆腐蕃茄牛肉湯

近日大孖上課，都會揸牛媽的戰車去上堂，放學就變咗兩個，因為她男朋友仔同一間大學，久不久到來吃飯，牛媽又唔想置多架車，因為孟母三遷，自從搬了市中心大厦，方便三個讀大學，車位得一個，牛媽又飛米來飛去，多一架又冇位，於是决是唔買，况且樓下就有唐人超市，比西人超市重大，亦有西人超市，推車仔都得，委實方便，所以牛媽返香港，唔會餓親Ｄ仔仔女女架
好啦！入正題啦。今日走入樓下豆腐店，想買黑豆漿，發現灰灰的四方物體，原來新產品，黑豆腐，唔平架CAD1.49，成十大元港幣，目的一試新產品，剛好朋友送了樹上熟蓄茄，加了牛肉滚了個清湯，有鈣又有鐵，加埋茄红素，營養又平衝啦。
食飯時，呀女望住碗湯，好耐都唔飲，終於忍唔住問：『係咪妳用發霉豆腐煲湯呀？』『成十蚊嚿豆腐，好貴架。』『妳成日煲怪湯，以為今餐有驚喜添！！』