廚房有飯食

唔知係年紀越大，適應能力越慢，時差分別，以前兩三天便調整，現在要一倍時間，又唔想靠安眠藥，唯有慢慢來啦，今日呀女唔使上晚課，可以齊人開餐，今日煮了簡簡單單的蝦皮蒸蛋啦，蒜蓉腐乳通菜啦，芥蘭頭炒玉片啦，蕉葉續隨子焗三文魚啦，重有西洋菜陳腎湯。食完碗飯，呀女重要添飯，我奇怪就問點解，佢話因為用裝湯的碗食飯，食食下食多飯，食完飯飲湯，洗少隻碗嘛，煲湯好快飲晒，佢地話煲一次飲成個星期架，因為冇時間囉，呀女男友重話一入屋就閒到煲咩湯啦，講起飲湯，剛剛睇到Agnes話老火湯的情意結，說營養師指出老火湯是否有營養價值，脂肪過多的問題，現代科學角度的確有過剩問題，但中國人的傳统，某些湯水的確有食療之效，當你到家人飲完一碗又一碗，那種滿足，又豈是紙筆能形容！
唯有在選料方面嚴緊些，相間著滾湯，多吃蔬果，達至均衝才能健康。