哈蜜瓜响螺頭湯

昨晚買了一隻新彊哈蜜瓜雪凍食，點知唔甜，棄之可惜，牛爸建議煲湯，見雪柜尚有急凍响螺，於是就煲响螺湯，入湯後湯水清甜，蜜瓜入口又好食，沒有浪費，本來枱上放了兩碗湯，平均有螺肉有瓜，轉頭從厨房出來，變了一碗淨湯，一碗渣滿滿，唉！牛爸唔中意食煲遇湯的水果架！下次用機打成糊仔湯，等你無得揀至得！

材料：
哈蜜瓜半隻
急凍响螺兩隻
猪展一磅
南北杏兩湯匙

1-猪展，响螺頭飛水，蜜瓜去皮切大塊。
2-滚水＋杯，除蜜瓜外放下材料，大火煲半小時，轉中火煲一小時，放下蜜瓜煲半小時，調味即成。