很忙！

打從二十號星期六開始，便吃！吃！吃！肥肥呀，下個月見醫生分分鐘驗血超標肥佬呀，不過一家人食飯，最緊要開心囉！己經儘量多菜小肉啦，做冬食中式，最搶手是中間的滚滚羊腩煲，加生菜，炸枝竹，塘好，豆卜，熱辣辣，好好味，不過牛媽喺好乖嘅，一嚿都唔敢食囉。

星期日做西式，都喺焗羊架，煎牛扒，煙三文魚，菠菜大蝦意粉卷，沙律，簡簡單單便算。

今次買到的安格斯牛扒很好，衹用了鹽及黑椒碎稍醃，煎了三磅多。

羊架用芥末香草醃，焗了兩磅多，都清晒所有食物，剛好，晚上腰骨有點酸軟，但很開心。