踏入二月，牛媽隱形了多天，究竟去了那裏呢，請聽細細道來，話說有曰放工，買了一條會游水的鳥頭回家，同牛爸閒話家常，細細品嘗之際，古碌一聲，有些剌刺的感覺，係魚骨在喉嚨裏，立刻用老人家教的方法，吞飯，唔得，吞麵包，唔得，吞香蕉，唔得，最後來一碗醋，結果？失敗！！捱了一晚，唯有到急症室求救，掛號的時候，己經知道要等一小時半，心想還可以，便付了一佰大元等，分流護士在紙上填上次緊急，點知，咦，個時間牌會轉嘅？兩小時半.....四小時半，牛媽足足等了四小時才被人叫進去，幸好那位靚女醫生很細心，麻醉完再用夾子試，可能魚骨很小，給她撥走也不覺，照Ｘ光也找不到，最後建議留院照胃鏡，呀，好辛苦架，最後决定在家觀察，幸好喉嚨祗是傷了些少。唉！後來朋友告知，私家醫生也可做到，早知唔去等啦。
剛過去的星期一，凌晨突然嘔吐大作，亦有肚瀉的出現，好不容易捱到天光，私家又未開診，唯有又到急症室，心想唔使等四個鐘掛，分流護士見牛媽有虛脫情况，己經叫人用床推了入去急症室，泊在太平門邊，裏面大腸己經在縷毛巾，等了十五分鐘，就問呀女紙上填什麽，呀！又係次緊急？再問護士，要等多久，呀！又係四個鐘？
「姑娘，肚疴唔忍得喎？」
「哦！對面有厠所呀！」
「但係我暈！痛得很緊要。」
「重清醒！瞓住床先。排住隊啦！」
剛好牛爸趕到急症室門口，於是扶著牛媽連跑帶逃速離此地。
唉！牛媽並不是批評公立醫院態度差，而係太多人用這資源，令到急症室太繁忙，醫生護士也做到氣喘！奈何！！
病了多天，現在終於痊癒，希望新一年健健康康啦！
圖片來自Yahoo
沒有留言:
發佈留言