今晚食乜餸

以前在香港，日日返工，小朋友交工人照顧，食都是簡簡單單，六，曰大多是外出食，亦沒有太多時間自己煑，到放逐到加拿大，鄰居左面是退休白人夫婦，右面是北京年輕夫婦，對面是韓國（呀之媽）即auntie，及黑人夫婦，成條街是聯合國，因為加拿大提倡多元文化，所以接觸不同食物做法，又多了時閒攪攪震，最重要是屋企有幾隻白老鼠，（呀女話佢係白猪仔，食到佢肥肥白白。）同我消化哂Ｄ實驗品。現在他們長大，我要他們獨立，所以我會久不久out of town一段時閒，有一次我離開數月，，不是打電話問我教煑飯，就是開罐頭煑，結果個個瘦了十磅有多，於是呀女便叫我將煑過的菜色擺上blog，想食乜餸時，等佢地開黎睇點做喎，我想想下又喺，現在電腦發達，就是在我屋企，巳有四部電腦，隔離房都要用電腦傾偈，激死！就黎鬧人都要用電腦啦。

話說用電腦都有好處，唔會同仔女out，最啱我這些中年痴呆症病發時，可以update我個腦呀！竟然有人睇我個blog，我亦好高興，如果食譜用得著，随便拿去用，不過呀女話要detail一Ｄ，我儘量詳细一Ｄ啦。

同埋有一點，唔同地方，做出來的食物，也許有差別，我都係要失敗無數才得出成果。